Les mots surlignés font l'objet d'une note
1Monsieur, je vous remercie bien humblement des nouvelles quil vous ha
2plus mescrire qu’avés sceu de mon neveu, lesquelles madame de
3Gordes m’ha dict ce matin. Je ne men pensay pas moins quand le
4serviteur de mondit neveu fut icy. Les trois compaignies quil venoit
5chercher, je croy quil les ha trouvées en Avignon ; et me conforme
6avec vostre opinion. Quant à ce que vous ha escrit monsieur de
7Suze de Dom Jehan d’Austrie, quil est arrivé à Gennes le XXe du
8passé, je ne le puys croire, pource que le seigneur Ludovic
9ne vous en mande rien, ayant desja douze jours. Si je recoy
10quelques nouvelles de ma part, ne feray faulte de vous en advertir
11incontinant. Et surce, faisant fin par mes bien humbles recommandations
12à vostre bonne grace, je prie le Createur vous donner,
13Monsieur, en parfaicte santé, très longue et très heureuse vie.
14De Grenoble, ce premier daoust 1572
15Vostre bien humble et affectionné
16serviteur
17le chevalier La Roche
18